MapaCENIT – ECIGAL

O mapa Cénit de experiencias de Educación para a Cidadanía Global (ECG) é unha ferramenta creada co obxectivo de xerar un espazo para coñecer, cuestionar, reflexionar e avanzar conxuntamente na superación do enfoque reducionista e testemuñal da ECG. O mapeo das experiencias permite, non só identificalas, senón tamén negociar significados, explorar problemas, compartir solucións e xerar redes colaborativas presentes e futuras.

É, polo tanto, un mapa temporal, aberto e dinámico, en construción e actualización permanente, que permitirá coñecer o presente (sempre vivo) e debuxar posibilidades futuras de actuación.

Descubre o mapa

O mapa xeolocaliza experiencias organizadas en catro capas (que se poden activar ou desactivar). O ícono das experiencias permite identificar o tema principal da iniciativa, a vinculación curricular disciplinar ou interdisciplinar e multinivel. Ao facer clic en cada unha das experiencias, podes acceder a máis información ao respecto.

Unha funcionalidade interesante da aplicación é que permite filtrar as experiencias segundo o que nos interese.

Queres saber máis sobre as posibilidades de uso do mapa ou entender mellor o seu funcionamento?

LENDA

ETAPAS EDUCATIVAS

Só unha etapa

Varias etapas

CENTROS

Centro escolar

Centro universitario

Entidade social

CARÁCTER

Experiencia con vinculación curricular (disciplinar ou interdisciplinar)

Historia

Foi na primeira sala cartográfica cando xurdiu a idea de dixitalizar as experiencias compartidas. Despois dun ano de traballo, acompañado polo Grupo de Visualización Avanzada e Cartografía (Cartolab), materializouse nunha aplicación informática que veu a luz en setembro do 2020. Con esta aplicación preténdese non só visibilizar e difundir as experiencias xa cartografadas, senón tamén favorecer a recollida de novas iniciativas, e, por que non, favorecer a extensión dunha ECG de última xeración (do que se amosan exemplos que serven de referente) e mesmo posibilitar o tecido de redes de colaboración entre centros e entidades.

Quen pon en marcha a iniciativa

O proxecto

Dende 2013 á actualidade, a ONGD Solidariedade Internacional de Galicia e o Grupo de Investigación ECIGAL vimos reforzando a idea de que é importante superar o enfoque que reduce a Educación para a Cidadanía Global (ECG) no sistema educativo a experiencias puntuais e illadas. Identificamos un número importante de profesionais en exercicio que están levando a cabo iniciativas moi interesantes, xa sexa de xeito individual ou colaborativo, con entidades sociais.

Ante esta realidade, consideramos imprescindible coñecer o estado da cuestión como punto de partida para tecer unha rede de centros e entidades que traballen en ECG, así como establecer liñas de colaboración e aprendizaxe compartido. O mapa responde a este doble propósito.

Participa!

A cartografía como instrumento

A cartografía social, como metodoloxía de investigación e acción, permite mapear as experiencias de forma colaborativa e participativa. O instrumento deseñado para isto foi a sala cartográfica, desenvolvida de forma presencial con profesorado e entidades que axudaron na súa construción e validación. A aplicación informática correspóndese coa tradución desta ferramenta a un formato online, coa que se pretende favorecer tanto a recollida de novas experiencias, como a visibilización e difusión das xa cartografadas.

A pesar de contar con esta ferramenta, non queremos perder as vantaxes que ofrece a celebración presencial das salas cartográficas, no que respecta á promoción de procesos dialóxicos de reflexión e análise conxunta, sendo a intención seguir realizando encontros para un exercicio colectivo de coñecemento, representación e problematización da realidade, dende a participación e o compromiso.

Obxectivos

Recoñecer e visibilizar iniciativas de ECG

Coñecer referentes para iniciarse na ECG

Servir de fonte de consulta de entidades, centros de ensino e experiencias ECG

Achegar un banco de recursos en ECG

Crear comunidade e tecer redes para reflexionar e avanzar conxuntamente

EDUCACIÓN PARA A CIDADANÍA GLOBAL

O concepto de Educación para a Cidadanía Global (ECG) está en constante revisión porque é un concepto dinámico, que se vai adaptando á realidade complexa e cambiante. Para Edgar Morin (2010) a ECG é unha estratexia ética de transformación ecosocial, a través da aprendizaxe colaborativa e comprometida coa construción de sociedades xustas e solidarias, que parte do pensamento complexo como modelo de aprendizaxe, e incorpora a incerteza, a ecodependencia e a corresponsabilidade como características do proceso, cara a comprensión, a solidariedade intelectual e moral da humanidade.

Experiencias

Descubre algunhas das experiencias de Educación para a Cidadanía Global recollidas no mapa Cénit.

Horizonte 2030

O seu obxectivo é promover liderados positivos entre a mocidade, tomando como referencia a Axenda 2030 para “ser vixías do cumprimento das políticas públicas de loita contra a pobreza” e a experiencia das contrapartes locais en terreo.

Cambiemos as narrativas

Alumnado de primaria de centros educativos galegos crean durante os meses de outubro e novembro unha campaña publicitaria, que con voz propia, loita contra os estereotipos de xénero desde a infancia.

Cambiemos as narrativas

Súmate ao mapa

Tes interese en coñecer o traballo que se está a desenvolver en ECG en centros educativos? Desenvolviches algún proxecto, iniciativa ou actividade en Educación para a Cidadanía Global (como docente ou entidade social), en centros educativos?

Cubre o formulario e fainos chegar a túa experiencia ou descubre como integrala ti no mapa:

Nome da experiencia

Correo electrónico

Teléfono

Centro educativo ou entidade promotora

Experiencia

Quen presenta a experiencia?

Comunidade ECG

Se tes interese na Educación para a Cidadanía Global, súmate a esta comunidade, conversa con persoas, centros e entidades que traballan a temática e comparte recursos.

Subscríbete!

Tes interese en coñecer o traballo que se está a desenvolver en ECG en centros educativos?

Se queres saber máis desta experiencia, escríbenos ou síguenos nas nosas redes sociais:

Desenvolvido por:

Equipo técnico:

Financiado por: